Sonte El Clasico e basketbollit kosovar

Prishtinë(AsistiOnline) – Sonte nis xhiro e 23-të e Superligës së Kosovës te meshkujt.

Përballja e parë dhe kryesore e kësaj xhiro-je luhet në kryeqytet mes Prishtinës dhe Trepçës.

Këto dy skuadra së fundi u përballën në Gjakovë në finalen e Kupës, ku fituan mitrovicasit.

‘Xehetarët’ janë liderë me 20 fitore e dy humbje, derisa bardhekaltrit renditen në vendin e tretë me 14 fitore e tetë humbje.

Mitrovicasit kanë 15 fitore radhazi në elitë, derisa kanë fituar tri takimet në Superligë ndaj prishtinasve në këtë edicion, që kërkojnë titullin e kampionit.

Ndeshja fillon nga ora 19:00 dhe transmetohet  direkt në KSport.