Sonte fillon faza e play off-it në Ligën e parë

Sot fillon “Play-off”-i në Ligën e Parë të Meshkujve.

Bora që përfundoi garat e rregullta me 21 fitore në 21 ndeshje, në vendin e parë, do të përballet me Vushtrrinë, që u rendit e katërta me 13 fitore e tetë humbje.

Prishtinasit pasi fituan Kupën, do të mundohen të hyjnë në elitën e basketbollit, për herë të parë në histori të klubit.

Takimi tjetër i “Play-off”-t është ndërmjet Kosovarit dhe New Basket. Skuadra nga Bardhi i Madh u rendit e dyta në garat e rregullta me 14 fitore e shtatë humbje, kurse prizrenasit u renditën në vendin e tretë me 14 fitore e shtatë humbje.

Skuadra që shënon dy fitore kualifikohet në finale. Kampioni i Ligës së Parë do të luajë edicionin e ardhshëm në Superligën e Meshkujve, derisa finalisti në “Play-out” me vendin e shtatë të Superligës së Meshkujve.

PLAY OFF LIGA E PARË

E enjte

19:30 Bora – Vushtrria

20:30 Kosovari – New Basket