Prishtina e fiton dramën ndaj Besëlidhjes dhe siguron gjysmëfinalen me Trepçën

Në çerekfinalen më interesante deri më tani, Sigal Prishtina ka shënuar fitore ndaj Besëlidhjes me rezultat 79:80 (28:9, 17:22, 17:28, 17:21).

Skuadra e Besëlidhjes e filloi ndeshjen për mrekulli dhe në çerekun e parë ishin shumë më të mirë se prishtinasit, duke e fituar këtë pjesë 28:9. Epërsia u ngrit në periudhën e dytë, deri në 22 pikë, 35:13, por prishtinasit filluan të këndellen dhe pjesa e parë përfundoi 45:31.

Epërsia e Besëlidhjes u shkri edhe më shumë në periodën e tretë, pasi skuadra nga Prishtina ishte më e mirë dhe shifrat pas 30 minutash ishin 62:59. Drama vazhdoi në dhjetë minutat e fundit, ku të dy skuadrat kishin mundësi të fitonin. Vendimtare ishte një treshe nga Donte Clark i Prishtinës për 78:80, derisa në aksionin e radhës, Hysa shënoi një pikë nga gjuajtja e lirë, kurse në të dytën nuk ishte i saktë, derisa Julian Hamati kërceu në sulm dhe gjuajti për dy pikë, por nuk ishte i saktë dhe Sigal Prishtina triumfoi 79:80.

Sigal Prishtina të premten në gjysmëfinale do të ndeshet me Trepcën, kurse gjysmëfinalja tjetër është ndërmjet Golden Eagle Yllit dhe Pejës.

Final 8 i Liga Unike Lajthizës po zhvillohet në Vlorë.