Pas dilemave lidhur me titujt e kampionit në Kosovë, vërtetohen me fakte të dhënat e AsistiOnline.com

Prishtinë(AsistiOnline) – Ditëve të fundit në basketbollin kosovar është ngritur debat lidhur me numrin e trofeve të skuadrave kosovare.

Për të larguar këto dilema, të hënën në emisionin e vetëm në shqiptari dedikuar vetëm dhe ekskluzivisht basketbollit ASIST 581(episode), autori i emisionit Agon Fehmiu hapi arkivat e veta dhe publikoi faktet e shkruara të cilat nuk mund të mohohen.

Pas ankesave të shumta se këto të dhëna nuk janë kredibile, në grupin më të madh për basketbolli në Kosovë ”Merakli t’Basketit” pati nga ata që hulumtuan zyrtarisht dhe gjetën të dhëna faktike të shkruara – gazeta, se nga sa trofe i kanë ekipet kosovare, duke vërtetuar kështu publikimin e AsistiOnline.com me datë 14 maj 2024, se i gjithi ka qenë i saktë.

Me këtë rast, AsistiOnline.com dëshiron të falenderojë publikisht merakliun e basketit nga Peja, Sali Muriqi i cili duke hulumtuar në arkivat e paraluftës, gjeti fakte të gjalla / fotografi të gazetës zyrtare të atëhershme ”Bujku”, të cilat konfirmojnë ato që i ka të ruajtura në arkivat e veta edhe ASISTI / AsistiOnline.com

Postimin e plotë të z.Muriqit mund ta gjeni të plotë në grupin ”Merakli t’Basketit” në Facebook, apo duke klikuar këtu si dhe në linkun që e ka krijuar ai në google i cili gjendet këtu.

Me respekte dhe nderime, nga redaksia e emisionit dhe portalit online ASISTI/AsistiOnline.com.