Maroussi dikur luante në Euroligë, drejtohej nga Bartzokas

Prishtinë(AsistiOnline) – Skuadra kosovare e Pejës sot i nis kualifikimet e FIBA Europe Cup.

Verdhezinjët pritet të kenë punë tejet të vështirë me ekipin grek nga Athina, Maroussi.

Kjo skuadër e formuar qysh para viteve të largëta 1896 apo 128 vite histori, nuk ka ndonjë sukses të vazhdueshëm që vlen për tu veçuar, por që dihen cilësitë e basketbollit grek dhe me një konkurrencë të egër me ekipe si Panathinaikos, Olimpiakos, PAOK, Aris etj, është e vështirë të fitohen trofe.

Megjithatë, Peja pritet të ketë punë të vështirë me këtë klub që e ka kompletuar rosterin për stinorin e ri me lojtarë tejet të dëshmuar dhe sivjet ka ambice shumë më të mëdha sesa stinorin e kaluar, shkruan AsistiOnline.com

Në garat ndërkombëtare, Maroussi rikthehet pas një kohe të gjatë, apo thënë ndryshe kur kishte periudhën e artë të klubit dhe luante në Euroligë pranë stinorit 2009/10 dhe drejtohej nga trajneri i jashtëzakonshëm grek që tash drejton gjigantin Olimpiakos, Georgios Bartzokas dhe mbylli sezonin me 10 fitore e 6 humbje, duke mbetur jashtë play off-it.

Mirëpo duhet cekur se Maroussi ka histori interesante në garat evropiane dhe ka të fituar edhe titullin e nivelit të dytë evropian gjatë sezonit 2000/01 i njohur si FIBA ​​Saporta Cup. Pastaj Maroussi arriti në finalen e sezonit 2003–04 në garën e nivelit të tretë të ligave të Evropës ​(më vonë të quajtur FIBA ​​EuroChallenge ), por humbën në finale ndaj klubit rus UNICS Kazan.

Vlen të ceket se në këtë skuadër për 4 sezone rresht ka luajtur edhe ikona e basketbollit, Vassilis Spanoulis.

Sivjet Maroussi ka nisur shumë herët përgatitjet duke vazhduar bashkëpunimin me trajnerin grek, Nikos Vetoula dhe stafin e tij. Derisa ka nënshkruar me lojtarët Elvar Mar Fridrikkson nga PAOK-u (Greqi), Ismael Sanogo nga Arisi (Greqi), Jonhnathan Stove nga Syntainics (Bundesliga gjermane), Cyril Langewein Roanne (Superliga franceze), Jay Nagle (Sacramento Kings),  Spyros Sioutris Amyntas (Liga e parë greke) dhe ka rinovuar me disa nga lojtarët kyç në edicionin e kaluar.

/AsistiOnline.com/