Bashkimi ‘dridh’ merkaton, transferon qendrën e dalluar kroate
Prishtinë(AsistiOnline) – Bashkimi i Prizrenit sonte ka ‘goditur’ merkaton e basketbollit kosovar, duke transferuar qendër të gjatë plot 219 centimetra.
Prizrenasit kanë njoftuar për arritjen e marrëveshjes me qendrën kroate, Robert Rikiç.
Ai vjen nga ekipi Rabotniçki i Maqedonisë, ku është shpallur lojtar i vitit dhe qendra më e mirë e ligës, me statistika prej 15.4 pikë dhe 9.2 kërcime për lojë.
Roberti te Bashkimi sjell një përvojë të pasur në liga të forta si ato të Malit të Zi, Bosnjës, Kroacisë, Çekisë dhe Maqedonisë.
Rikic ka luajtur për 6 vite në ABA Ligë me ekipet e njohura si Zagreb, Shiroki, Buduçnost dhe Igokea.
Ky është transferimi i parë i huaj i Bashkimit, që pothuajse ka kompletuar ekipin me vendorë.
Stinorin e kaluar, Rikic me Rabotniçkin luajti edhe në kualifikimet e FIBA Europe Cup me mesatare prej 7.7 pikë e 5.7 kërcime për ndeshje. /AsistiOnline.com/
Komentet janë të mbyllura.