Ekskluzive: Arian Qallaku te Ylli?

Prishtinë(AsistiOnline) – E ardhmja e Arian Qallakut vazhdon të mbetet në pikëpyetje.

Lojtari i Pejës në dy edicionet e fundit ende nuk e ka definuar të ardhmen, por që duket se sivjet ai mund të ndërrojë ambient.

Siç ka mësuar AsistiOnline.com, basketbollisti nga Peja mund të bëhet pjesë e nënkampionit të Kosovës, Golden Eagle Yllit me të cilët ka pasur bisedime.

Ditë më parë AsistiOnline.com raportoi se Qallaku ka pasur bisedime edhe me skuadrën e Vëllaznimit të Gjakovës, por duket se pengesë e madhe e klubeve për të, por edhe lojtarët e tjerë vendorë janë kërkesat e mëdha financiare të tyre që vitet e fundit janë rritur shumë.

Të kujtojmë se viteve të fundit kërkesat financiare të basketbollistëve vendorë janë rritur, e për një gjë të tillë mund të jenë fajtore edhe vetë klubet pasi tek to punohet shumë pak me gjeneratat e reja dhe ka prodhim të paktë të talentëve, për të mos thënë fare dhe kjo ndikon më pas direkt.

/AsistiOnline.com/