Sot nisin Lojërat Olimpike, basketbolli starton nesër

Prishtinë(AsistiOnline) – Sot nisin zyrtarisht Lojërat Olimpike – Paris 2024, që mbahen në shtetin e Francës.

Këto Lojëra do të luhen nga sot e deri me 11 gusht, derisa ndeshjet e basketbollit nisin nesër me datë 27 e ndeshjet e basketbollit 3×3, nisin me 30 korrik.

Ende nuk ka pasur një njoftim zyrtar se ndonjë televizion nga Kosova do ti transmetojë ndeshjet e basketbollit, derisa për çdo përditësim të ri rreth kësaj çështje, do të ju njoftojmë me kohë.

Sa i përket ndeshjeve të basketbollit, ekipet janë të ndara në tri grupe me nga 4 shtete:

Grupi A: Australia, Greqia, Kanada, Spanja

Grupi B: Franca, Gjermania, Japonia, Brazili

Grupi C: Serbia, Sudani Jugor, Puerto Rico, USA.

Faza grupore e kompeticionit luhet në formatin, ku secili ekip luan me të gjitha ekipet e tjera në grupin e tij (gjithsej 3 ndeshje për çdo ekip).

Skuadrat e renditura të parat dhe të dytat në secilin grup dhe 2 skuadrat më të mira të vendit të tretë në fazën e grupeve, kualifikohen për në fazën finale.

Pas përfundimit të fazës në grup do të bëhet shorti për të përcaktuar çiftet e çerekfinaleve.

Skuadrat nga i njëjti grup në fazën e grupeve nuk mund të barazohen kundër njëra-tjetrës në çerekfinale.

Katër fituesit e çerekfinaleve do të kualifikohen për në gjysmëfinale (vendet 1-4).

Fituesit e çerekfinaleve të luajtura nga skuadrat nga vazo D nuk mund të luajnë me njëri-tjetrin në ndeshjet gjysmëfinale.

Katër skuadrat e eliminuara në çerekfinale nuk do të marrin pjesë më tej në garë. Klasifikimi i skuadrave nga vendi i 5-të në të 8-të do të vendoset sipas Rregullave Zyrtare të Basketbollit të FIBA-s.

Ndeshjet e para janë këto:

27 Korrik

Australi – Spanjë, ora 11:00.

Gjermani – Japoni, ora 13:30.

Francë – Brazil, ora 17:15.

Greqi – Kanada, ora 21:00.

28 Korrik

Sudani Jugor – Puerto Rico, ora 11:00.

Serbia – USA, ora 17:15.