Bora sot debuton në Superligë, e pret në shtëpi Yllin

Prishtinë(AsistiOnline) – Sot vazhdon me dy ndeshje xhiro e parë e stinorit të ri në Superligën e Kosovës te meshkujt.

Ndeshja e parë e ditës së sotme luhet në Prishtinë mes ekipit debutues Bora dhe nënkampionit Golden Eagle Ylli.

Bora në Superkupë u mposht në çerekfinale edhe pse bëri performancë shumë pozitive, gjersa Ylli arriti në gjysmëfinale duke mposhtur Bashkimin, por më pas u mposht nga ekipi që e kishte mposhtur Borën në çerekfinale.

Bora ishte mposhtur nga Trepça 85 : 76, derisa Ylli kishte pësuar disfatë goxha të thellë nga mitrovicasit 83-61 e sot mbetet të shihet se cili ekip do të festojë.

Ndeshja nis nga ora 17:15 dhe transmetohet direkt në Sport4 në Artmotion. /AsistiOnline.com/