Shkolla e basketbollit Borea me risi për nxënësit e saj në Pejë

Shkolla e basketbollit Borea me bazën e saj në qytetin e Pejës, ka sjellur një risi për të gjithë nxënësit që janë pjesë e saj, por edhe ata që duan të regjistrohen për të mësuar basketbollin.

Kjo shkollë ka njoftuar se që nga dita e hënë (14 Tetor) do të ofrojë shërbimin e transportit për nxënësit e saj.

Në njoftim është bërë e ditur se oraret dhe vendtakimet do të koordinohen në bashkëpunim me prindërit dhe nxënësit.

Aty përmendet fakti se ky shërbim vjen me qëllim që nxënësve t’ua bëjnë qasjen më të lehtë në vijimin e shkollës së basketbollit, veçmas kur jemi afër stinës së dimrit.

Në shkollën e basketbollit të Boreas me trajner Roni Pupovcin dhe kolegët e tij, nxënësit e rinj do të kenë mundësinë të zhvillojnë teknikat e tyre të lojës, duke përmirësuar aftësitë e tyre në driblim, gjuajtje dhe strategji të lojës.