Prishtinë(AsistiOnline) – Kampionia aktuale e Kosovës, Trepça sonte luan ndeshjen e rradhës në fazën e grupeve në FIBA Europe Cup.
Ekipi mitrovicas ndeshet me skuadrën e njohur franceze, Dijon.
Në ndeshjen e parë, Trepça ishte mposhtur tejet thellë nga skuadra franceze konkretisht me 45 pikë dallim, derisa mitrovicasit sonte besojnë se mund të paraqiten shumë më mirë para tifozëve të tyre.
Trepça deri tani nuk ka asnjë fitore në grup, derisa është mposhtur nga të gjitha ekipet dhe sonte një fitore eventuale do të ishte shumë e mirëseardhur.
Sfida nis nga ora 19:00 dhe transmetohet direkt në Artsport1.
