Bardh Rexha shkëlqen me double-double monstruoz për fitoren e radhës së Grapeland

Prishtinë(AsistiOnline) – Një paraqitje e jashtëzakonshme nga kapiteni Bardh Rexha, ka bërë sonte që Grapeland të marrë fitore në derbin e xhiros në Ligën e parë të Kosovës ndaj Istogut.

Ekipi nga Rahoveci ka fituar me shifrat e përgjithshme 82-88, duke vazhduar sukseset dhe duke mbetur ekipi i vetëm pa humbje në këtë kategori të basketbollit tonë.

Kapiteni i ekipit të Grapeland, Bardh Rexha edhe sonte ka qenë fantastik me double-double prej 27 pikëve e 10 kërcime, por ka kontribuar edhe me 3 asiste e 2 vjedhje topash.

Istogut nuk i ndihmuan për fitore 21 pikë, 9 asiste e 9 kërcime të amerikanit, Brandon Adelman.

Ekipi i Istogut gjendet i treti me 4 fitore e 2 humbje.

/AsistiOnline.com/