Telegram ngushëllimi

Telegram Ngushëllimi

E nderuara familje Miftari,
Klubi Basketbollistik Trepça,
Dhe mbarë komunitetit basketbollistik në Kosovë,

Me dhimbje të thellë kemi pranuar lajmin për ndarjen nga jeta të ish-kryetarit të shumë nderuar të KB Trepça, Shaban Miftari.

Z. Miftari ishte një figurë e jashtëzakonshme që udhëhoqi klubin mitrovicas për vite të tëra, duke qenë një shembull i përkushtimit dhe sakrificës. Ai e mbajti klubin mbi supe edhe në kohët më të vështira, gjatë periudhës së okupimit në vitet e 90-ta, kur të marrësh në dorë drejtimin e një klubi ishte si të mbaje prush të nxehtë në duart tua. Vizioni, guximi dhe dashuria e tij për sportin dhe komunitetin do të mbesin gjithmonë frymëzim për të gjithë ne.

Në emër të redaksisë së AsistiOnline.com, ju shprehim ngushëllimet tona më të sinqerta dhe lutemi që familja juaj dhe të gjithë ata që e deshën të gjejnë forcë në këto momente të rënda. Kujtimi për Shaban Miftarin do të jetojë përherë në zemrat tona.

Me respekt të thellë,
AsistiOnline.com