Ekskluzive: Trepça afër marrëveshjes me qendrën amerikane, Michael Myers?

Prishtinë(AsistiOnline) – Kampionia dhe liderja aktuale e basketbollit elitar të Kosovës, Trepça po vazhdon me ndryshime për vijimin e garave.

Siç ka mësuar AsistiOnline.com, mitrovicasit janë afër marrëveshjes me qendrën amerikane, Michael Myers.

Lojtari është i gjatë 207 centimetra, derisa ka një karrierë tejet të pasur pas vetes me ekipe ku është paraqitur si: Helsinki (Finlandë), Rapla (Estoni), Bordeaux (Francë), Oostendew (Belgjikë), Nymburk (Çeki), Prometey (Ukrainë),  AO Ionikos Nikaias (Greqi), Astana (Kazakistan).

Ekipi i fundit i lojtarit është Esenler Erokspor në ligën e parë turke në edicionin e kaluar ku në 11 ndeshje kishte 10.1 pikë, 9.3 kërcime e 1.5 asiste.

Gjatë orëve ose ditëve në vazhdim pritet të definohet kjo marrëveshje eventuale. /AsistiOnline.com/