Ekskluzive: Lojtari i kalibrit të Eurocup/Euroligë zbarkon në Prishtinë

Prishtinë(AsistiOnline) – Kampionia e shumëfishtë e Kosovës, Sigal Prishtina ka bërë një goditje tejet të bujshme në merkaton e janarit.

Siç ka mësuar AsistiOnline.com, bardhekaltërit kanë siguruar shërbimet e qendrës së mirënjohur sllovene, Rasid Mihalbasic.

Lojtari është i gjatë 211 centimetra dhe ka karrierë të bujshme në rangjet më të larta evropiane, Euroligë, Eurocup, VTB League, ABA Ligë etj.

Së fundmi Mahalbasic është paraqitur në Meksikë me Halcones de Xalapa, një shtet dhe ligë ku lojtarët e huaj paguhen majmë dhe kjo është prej arsyejeve që e zgjedhin.

Në të kaluarën, Mahalbasic është paraqitur me ekipe të mëdha evropiane si: Fenerbahçe, Tofas, Split, Oldenburg, Monaco, Breogan, San Pablos Burgos, Cedevita Olimpija, Astana, Nizhny Novgorod, Astana, Nymburk etj.

Natyrisht që ardhja e lojtarit të tillë në Kosovë e ngrit nivelin e transfereve të tilla e që sivjet kanë munguar, pasi kanë ardhur kryesisht lojtarë të rinj dhe papërvojë, ose jo të dëshmuar në shtetet ku kanë luajtur.

/AsistiOnline.com/