Sot vetëm një përballje e Superligës, e gjithë vëmendja në ”Minatori”

Prishtinë(AsistiOnline) – Superliga e Kosovës sot vazhdon me xhiron e 16-të dhe është në program vetëm një sfidë.

Në fakt sot zhvillohet sfida kryesore e xhiros ndërmjet Trepçës dhe Golden Eagle Yllit, apo kampionit dhe nënkampionit.

Mitrovicasit janë liderë me 11 fitore e katër humbje, ndërsa therandasit ndodhen në vendin e gjashtë me shtatë fitore e tetë humbje. Takimi është shumë i rëndësishëm, andaj të dy skuadrat hyjnë vetëm për fitore.

Kjo ndeshje nis në ora 17:00 dhe transmetohet direkt në Sport1 dhe Klan Kosova.

Vlen të ceket se Trepça sonte rikthehet në palestrën e saj pas një periudhe relativisht të gjatë, pasi aty ishte duke u rinovuar parketi dhe tashmë është gati për lojë.

/AsistiOnline.com/