Asisti 603 sonte me katër mysafirë

nga Asisti Online Përditësimi i fundit 27/01/2025

ASISTI 603 sonte do të jetë super i pasur me aksion të trefishtë, dy xhiro fantastike të Procredit Superligës të zhvilluara gjatë javës së kaluar dhe paralajmërimi i gjysmëfinaleve vendimtare që parashihet të jenë fenomenale, El Clasico Trepça – Sigal Prishtina dhe derbi i Dukagjinit midis Bashkimit e Vëllaznimit.

Gjitha këto i diskutojmë me mysafirët special sonte, pjesëmarrësit e këtyre dy ndeshjeve të nxehta: Anes Gashi i Trepçës, Muhamedali Janjeva I Sigal Prishtinës, Samir Zekiqi i Bashkimit dhe Don Polloshka i Vëllaznimit.

Me mysafirët special sonte i rikujtojmë dhe analizojmë ndeshjet e para gjysmëfinale të zhvilluara para dy jave, dramat fantastike basketbollistike Sigal Prishtina –Trepça dhe – Vëllaznimi – Bashkimi.

Si i komentojnë ndeshjet e para: çka shkoi mirë e çka keq?

Kush është në avantazh para betejave vendimtare për kualifikim në finale?

Parashikimet se kush do të ec tutje dhe luftoj për Kupën?

Gjitha këto dhe shumë më tepër me Anesin e Muhamedalinë dhe Samirin e Donin plus, analiza e dy xhirove të mrekullueshme të Procredit Superligës.

Xhiro 18 solli edhe një el clasico dramatike dhe fantastike, kësaj here në Minatori kurse për Yllin debutoi trajneri legjendar slloven Alesh Pipan. Prmbledhja dhe analizat e përballjeve Trepça – Sigal Prishtina, Peja – Golden Eagle Ylli, Bashkimi – Bora dhe Vëllaznimi – Proton Cable Prizreni.

Ndërkohë në vikend u zhvillua edhe xhiro 19 e cila në fokus sërish kishte një përballje klasike e cila doli të jetë po ashtu super-dramatike: Sigal Prishtina dhe Peja shfaqën edhe një spektakël basketbolli në Pallatin e Sporteve në kryeqytet ku pas kësaj ndeshje në palestrën tjetër “1 Tetori” , debutuesja Bora befasoi dhe mposhti Vëllaznimin në top formë.

Paraprakisht, të shtunën në Minatori Trepça iu kthye fitoreve kundër Proton Cable Prizrenit ndërsa Golden Eagle Ylli u mposht nga Bashkimi në Suharekë, në duel ku për portokallinjtë debutoi trajneri i ri Sasha Jankoviq.

Përmbledhja dhe analiza e dy xhirove fantastike kompletohet m,e Pesëshet dhe MVP-it e Javës në ASIST

Por as kjo nuk është e tëra sepse në pjesën e tretë vjen basketbolli femëror me përmbledhjen e Superligës së Femrave dhe blloku i dashur për gjithë ne, Shqiptarët në Botë i cili sjell lajmet e fundit mbi shfaqjet e lojtarëve dhe trajnerëve shqiptarë.

Krejt në fund, ajka e ASISTIT me Top 10 aksionet më të bukura të kësaj jave fenomenale.

Gjitha këto dhe shumë më shumë në ASISTIN 603 nga ora 19:30 në Sport 1 në Artmotion dhe pas Edicionit Special në Klan Kosova.