Trepça deri tani e pathyeshme në garat vendore, gati për finalen e Kupës!

Kampionët aktualë të Kosovës dhe fituesit e Kupës, Trepça, kanë treguar një sezon mbresëlënës në Superligë, duke regjistruar 14 fitore dhe 6 humbje. Mitrovicasit synojnë një tjetër trofe, teksa më 12 shkurt në Prishtinë, nga ora 19:00, do të përballen me Bashkimin në finalen e ProCredit Kupës.

Një nga pikat e forta të ekipit është pesëshja bazë, e cila ka pasur ndikim të madh në sukseset e skuadrës. Malik Johnson kontribuon me 10.9 pikë, 5 kërcime dhe 7.4 asistime për ndeshje. Larry Thomas ka një mesatare prej 9.9 pikësh, 2.9 kërcimesh dhe 2.5 asistimesh. Mikaile Tmusiq shënon 9.6 pikë, kap 3.9 kërcime dhe shpërndan 2.4 asistime për takim. Qendra Dardan Kapiti dominon në pikturë me 9.2 pikë dhe 7.3 kërcime, ndërsa Sammy Hunter është pikëshënuesi më i mirë i ekipit me 12.8 pikë, 4.1 kërcime dhe 1.6 asistime për ndeshje.

Të dhënat statistikore janë të bazuara në Eurobasket.com. Trepça hyn në finale me ambicie të larta dhe një skuadër të gatshme për sfidën vendimtare.