Final 8 i Kupës së Ligës së Parë në Rahovec nga 21 deri më 25 shkurt

Final 8 i Kupës së Ligës së Parë te Meshkujt në basketbollin kosovar do të zhvillohet nga data 21 deri më 25 shkurt në Rahovec, ku tetë skuadrat pjesëmarrëse do të synojnë trofeun e këtij edicioni.

Ky event pritet të sjellë përballje interesante mes skuadrave që garojnë në Ligën e Parë të Kosovës në basketboll. Të gjitha ndeshjet do të zhvillohen në Palestrën “Mizahir Isma” dhe do të transmetohen drejtpërdrejt në Artmotion dhe Kujtesa.

Me këtë kompeticion, basketbolli vendor sjell një tjetër moment të rëndësishëm për skuadrat që synojnë të tregojnë forcën e tyre dhe të konkurrojnë për një trofe të rëndësishëm në sezonin aktual.