Tmushiq reagon pas përplasjes me Beçiragiqin, ”Dashuri dhe respekt për BABA Adis”

Pas një momenti të madh tensioni mes lojtarit të Trepçës, Mikail Tmushiq dhe trajnerit Adis Beçiragiq gjatë përballjes kundër Vëllaznimit, basketbollisti malazez ka reaguar publikisht duke dhënë një version të tij.

Tmushiq, përmes një postimi në Instagram, theksoi se gjithçka kishte ndodhur si pasojë e pasionit për lojën dhe përkushtimit të ekipit.

“E di që dukej keq, por kjo është arsyeja pse jemi kampionë gjatë gjithë këtyre viteve, sepse ne kujdesemi për lojën si askush tjetër me të njëjtën pasion. Në fund të ditës, ne jemi vetëm njerëz, vetëm dashuri dhe respekt për BABA Adis,” shkroi ai.

Kjo deklaratë vjen pas një momenti të tensionuar gjatë ndeshjes, ku Tmušić dhe Bećiragiq u panë duke debatuar ashpër, madje trajneri tentoi ti afrohet edhe fizikisht atij, derisa Tmushiq nuk lëvizte nga vendi, por vetëm me shikim. Megjithatë, lojtari ka sqaruar se mes tyre nuk ka asnjë problem dhe se marrëdhënia mbetet e fortë, duke e quajtur trajnerin me epitetin “BABA” si shenjë respekti.

Trepça mbetet një nga skuadrat kryesore në Superligën e Kosovës, duke qenë aktualisht lidere e tabelës. /AsistiOnline.com/