Sot nis xhiro e 27-të, luhen dy ndeshje interesante

Kjo mesjavë sjell ndeshjet e javës së 27-të në Superligën e Kosovës, njëkohësisht e parafundit për garat e rregullta.

Kjo xhiro do të dhurojë shumë sfida interesante.

Sonte ndeshen Golden Eagle Ylli dhe Vëllaznimi që kanë pikë të barabarta me 13 fitore e 13 humbje, andaj pritet një sfidë shumë interesante në Therandë dhe e baraspeshuar njëkohësisht. Dy skuadrat janë në formë të lartë dhe synojnë të përfundojnë garat e rregullta sa më lart në renditje.

Ndeshja tjetër për sonte është ndërmjet Borës dhe Proton Cable Prizrenit, vendit të shtatë dhe tetë në renditje. Prishtinasit në edicionin debutues në elitë kanë tetë fitore e 18 humbje dhe do të luajnë në “Play-out” me finalistin e Ligës së Parë për një vend në elitë edicionin e ardhshëm, ndërkohë, prizrenasit kanë pesë fitore e 21 humbje.

E mërkurë

19:00 Golden Eagle Ylli – Vëllaznimi

19:00 Bora – Proton Cable Prizreni