Peja-Trepça: Derbi i vjetër sonte në Karagaç, përplasja vendimtare para play-off-it
Një nga ndeshjet më të zjarrta të basketbollit kosovar zhvillohet sonte në Karagaç, ku Peja dhe Trepça përballen në derbin e vjetër me fillim nga ora 19:00.
Me vetëm dy xhiro të mbetura deri në fazën e play-offit, të dy ekipet synojnë një fitore që do t’i ndihmojë për një pozicion sa më të favorshëm në renditje.
Peja, me mbështetjen e zjarrtë të tifozëve vendas, do të tentojë fitoren për të siguruar vendin e katërt dhe të mbetet në luftë për vendin e tretë, ndërsa Trepça synon fitore, në këtë duel klasik e që do e vazhdonte garën për vendin e parë. Me rivalitetin historik mes dy skuadrave dhe rëndësinë e pikëve në këtë fazë të sezonit, pritet një sfidë e luftuar deri në sekondat e fundit.
Atmosfera në Karagaç pritet të jetë elektrizuese, ndërsa në parket do të vendoset shumë për fatin e këtyre dy skuadrave në play-off.
Komentet janë të mbyllura.