Trepça nderon Besim Brahën: Gjithmonë mbetet pjesë e historisë sonë

Klubi i Trepçës e ka nderuar sot ish-drejtorin Besim Braha me një fanellë simbolike, si shenjë mirënjohje për kontributin e tij të jashtëzakonshëm ndër vite.

”Edhe pse tashmë pjesë e klubit Bora Basket, ai mbetet gjithmonë pjesë e historisë sonë. Faleminderit dhe suksese në rrugëtimin e ri!”, shkruan postimi i klubit.

Vlen të ceket se Braha është një nga emrat që ka lënë gjurmë të thella në historinë e klubit, duke u konsideruar me të drejtë si një legjendë e gjallë e “xehetarëve”.

Në postimin e bërë nga klubi, theksohet se Braha gjithmonë do të jetë pjesë e familjes së Trepçës, pavarësisht rrugëtimit të tij të ri profesional.

/AsistiOnline.com/