Ish-trajneri kampion me Pejën, Rami Hadar rinovon kontratën me Hapoel Beer Shevën

Rami Hadar, trajneri izraelit që udhëhoqi KB Pejën drejt titullit kampion të Kosovës para dy vitesh, do të vazhdojë të drejtojë ekipin izraelit Hapoel BeerSheva edhe për sezonin e ardhshëm.

Klubi izraelit e ka bërë të ditur këtë vendim përmes një njoftimi zyrtar në rrjetet sociale, duke konfirmuar që Hadar do të jetë në krye të ekipit të parë për sezonin e ri. Për trajnerin Hadar, ky do të jetë sezoni i gjashtë në total me klubin – ndarë në dy periudha të ndryshme – duke e bërë atë një figurë kyçe në projektin afatgjatë të klubit.

Hadar konsiderohet si një nga trajnerët më me përvojë dhe më të vlerësuar në basketbollin izraelit. Ai u rikthye në Hapoel pas suksesit historik që pati me KB Pejën në Kosovë, ku e udhëhoqi ekipin drejt titullit të parë kampion pas një dekade.

Rikthimi i tij në Hapoel dhe vazhdimi i bashkëpunimit tregon besimin e ndërsjellë mes trajnerit dhe klubit, si dhe ambiciet për të ndërtuar një skuadër konkurruese në nivelin më të lartë të basketbollit izraelit. /AsistiOnline.com/