Basketbollisti me pasaportë të Kosovës, Amin Hot, është shumë pranë një marrëveshje me ekipin prishtinas Bora, që këtë sezon ka ambicie të qarta për një inkuadrim në fazën play-off të Superligës së Kosovës.
I njohur për paraqitjet e forta me Trepçën dhe Pejën, Hot ka qenë pjesë e disa klubeve të njohura edhe jashtë Kosovës dhe konsiderohet si një nga lojtarët më me përvojë të basketbollit kosovar aktualisht. Me përvojën e tij, ai pritet të sjellë stabilitet dhe qartësi në lojën e Borës, skuadër që këtë verë ka bërë disa lëvizje interesante, duke përfshirë edhe afrime të huajsh cilësorë.
Bora, që njihet për qasjen e saj dinamike në menaxhim dhe ndërtimin e ekipit, po synon një sezon të suksesshëm. Marrëveshja me Hot shihet si një hap i madh drejt konsolidimit të skuadrës, duke marrë parasysh edhe rolin e tij si lider në fushë dhe jashtë saj.
Zyrtarizimi pritet të ndodhë brenda ditëve në vijim, ndërkohë që “temperaturat” te Hot dhe Bora kanë rënë në maksimum. /AsistiOnline.com/
