Me një histori të pasur në basketboll dhe një tifozëri të zjarrtë, Lituania vjen në EuroBasket 2025 me synimin për t’u rikthyer në podium për herë të parë që nga viti 2015.
Pas paraqitjes shumë të mirë në Kupën e Botës 2023, ku mposhti edhe SHBA-të, kjo kombëtare kërkon të konfirmojë se mbetet një nga superfuqitë e basketbollit europian.
Nën drejtimin e trajnerit Rimas Kurtinaitis, Lituania ka për synim të kombinojë disiplinën taktike me lojën e shpejtë e të fuqishme që e ka karakterizuar historikisht. Lojtarët lituanezë mbajnë role kyçe në ekipet e tyre në NBA, EuroLeague dhe kampionate të forta europiane.
Edhe pse mungojnë disa emra të rëndësishëm, si Domantas Sabonis, Lituania udhëton drejt Tamperes me një formacion të fortë, të udhëhequr nga qendra e Denver Nuggets, Jonas Valanciunas, i cili në dy edicionet e fundit të EuroBasket-it ka pasur ‘double-double’ mesatare dhe mbetet lider i padiskutueshëm i skuadrës.
Lituania luan në një grup me Suedinë, Malin e zi, Gjermaninë, Finlandën dhe Britaninë e madhe.
Skuadra e zgjeruar:
Eimantas Bendzius, Laurynas Birutis, Marek Blazevic, Rokas Giedraitis, Rokas Jokubaitis, Margiris Normantas, Gytis Radzevicius, Mantas Rubstavicius, Ignas Sargiunas, Tadas Sedekerskis, Deividas Sirvydis, Azuolas Tubelis, Jonas Valanciunas, Arnas Velicka, Kristupas Zemaitis.
Ylli i ekipit
Jonas Valanciunas është lideri i padiskutueshëm i Lituanisë. Ish qendra e New Orleans Pelicans në NBA i transferuar së fundi te Denver Nuggets, ka mbi një dekadë përvojë në ligën më të fortë të botës. Ai sjell eksperiencë ndërkombëtare dhe aftësi të jashtëzakonshme nën kosh. Në Kupën e Botës 2023, ai luajti me mesatare prej 14.1 pikë dhe 8.4 kërcime për ndeshje, duke qenë gjithmonë pikë referimi në sulm dhe mbrojtje.
Trajneri
Rimas Kurtinaitis, 64 vjeç, mori drejtimin e kombëtares në tetor 2024. Ish-kampion olimpik dhe europian si lojtar, ai ka një karrierë të pasur si trajner, duke fituar tri herë EuroCup dhe duke drejtuar ekipe të njohura si Lietuvos Rytas dhe Khimki Moscow. Kurtinaitis është i njohur për disiplinën, kërkesën për intensitet maksimal dhe zhvillimin e talenteve të rinj.
Orari i ndeshjeve:
27 gusht: vs Suedia (12:30 CET)
29 gusht: vs Mali i Zi (15:30 CET)
30 gusht: vs Gjermania (12:30 CET)
1 shtator: vs Finlanda (19:30 CET)
3 shtator: vs Britania e Madhe (15:30 CET)
