Belgjika po e bën rutinë pjesëmarrjen në EuroBasket – kualifikohet për herën e 19-të dhe të gjashtën radhazi. Megjithatë, përtej kontributit të qëndrueshëm, nuk kanë shkuar ndonjëherë në podium: renditja më e mirë e tyre daton që nga viti 1947, kur u renditën të katërt.
Belgët sivjet do të luajnë pa yllin e tyre kryesor, Retin Obasohan, i cili nuk do të marrë pjesë për shkak të një lëndimi. Kjo humbje rëndon pritshmëritë, pasi ai ka qenë zemra e sulmit gjatë kualifikimeve.
Ylli i ekipit: Ismael Bako
Në mungesë të Obasohan-it, përgjegjësia bie mbi qendrën 30-vjeçare, Ismael Bako, i cilësuar si shtylla e re e ekipit. Ai hyri në lojë për herë të parë në Euro në 2017 dhe pritet të mbajë peshë të madhe në brendësinë e fushës. Lojtari i ekipeve si Asvel Lyon, Virtus Bolonja, Unics Kazan dhe tash transfer tek Paris Basketball në Euroligë, pritet të jetë bartës i skuadrës dhe yll i ekipit me paraqitje.
Trajneri: Dario Gjergja
Përzgjedhësi kroato-belg, Dario Gjergja trajner prej vitesh tek klubi i Oostende, udhëheq Kombëtaren Belge që nga viti 2018 dhe ka ndërtuar një sistem të fortë lojtarësh. Karriera e tij me kombëtaren dhe suksesi i vazhdueshëm në kampionatin belg i japin skuadrës shpresa pozitive.
Grupi D – rrugëtim i vështirë në ndeshjet e grupit
Belgjika është në Grupin D, së bashku me:
- Francë
- Islandë
- Slloveni
- Izrael
- Poloni
Kalimi në fazën e 1/8-ve është objektiv kryesor, por çdo ndeshje kërkon përqendrim maksimal për shkak të konkurrencës së fortë.
Roster – 12 lojtarët për EuroBasket 2025
- Ismael Bako
- Mamadou Guissé
- Emmanuel Lecomte
- Siebe Ledegen
- Joppe Mennes
- Jean-Marc Mwema
- Loïc Schwartz
- Godwin Tshimanga
- Kevin Tumba
- Niels Van Den Eynde
- Andy Van Vliet
- Hans Vanwijn
Orari i ndeshjeve (Grupi D – Katovice, Poloni)
- 28 gusht: Belgjika – Francë
- 30 gusht: Belgjika – Islandë
- 31 gusht: Belgjika – Slloveni
- 2 shtator: Belgjika – Izrael
- 4 shtator: Belgjika – Poloni
Përmbledhje: Belgjika hyn në EuroBasket 2025 me stilin e njohur fizik dhe mbrojtës, por mungesa e liderit ofensiv Obasohan e vë ekuilibrin në provë. Bako dhe bërthama aktuale do të kenë përgjegjësi të madhe, ndërsa Gjergja do të kërkojë një strategji të ri ekipore që mund t’a dërgojë Belgjikën përtej pritshmërive. /AsistiOnline.com/
