Ish-lojtari i Prishtinës, Ricky Tarrant, ka bërë një hap të madh në karrierën e tij duke u transferuar në Superligën e Turqisë.
Fundori amerikan tashmë do të veshë fanellën e skuadrës së njohur Karsiyaka nga Izmiri, një prej klubeve më të mëdha dhe me traditë në basketbollin turk.
Tarrant, i cili sezonin e kaluar mbrojti ngjyrat bardhekaltër të Prishtinës, ishte ndër lojtarët kryesorë të skuadrës kosovare.
Kalimi në Karsiyaka shihet si një mundësi e rëndësishme për Tarrant, i cili tashmë do të provojë veten në një nga ligat më konkurruese të kontinentit.
Ky transferim është gjithashtu një dëshmi e rritjes së cilësisë së lojtarëve që kanë kaluar nëpër Superligën e Kosovës, duke i hapur dyert drejt karrierave ndërkombëtare. /AsistiOnline.com/
