Kombëtarja e Bosnje & Hercegovinës, e drejtuar nga trajneri i Trepçës Adis Beçiragiq, e ka nisur me fitore të thellë kampanjën e saj në Eurobasket 2025, duke mposhtur nikoqiren Qipron.
Boshnjakët shfaqën epërsi të madhe gjatë gjithë ndeshjes dhe në fund e siguruan fitoren me diferencë të konsiderueshme, duke e dëshmuar se mbeten një skuadër me pretendime serioze.
Qendra e NBA-së, Jusuf Nurkiq, ishte më efikasi për Bosnjen me 18 pikë, derisa mbështetje të madhe dhanë edhe Amar Alibegoviq, Amar Gegić dhe Adin Vrabac, të cilët kontribuan secili me nga 10 pikë.
Në anën tjetër, për Qipron, që u përpoq të rivalizonte vetëm në periudha të shkurtra të lojës, më i dalluari ishte Konstantinos Simitzis me 22 pikë të shënuara.
Pas këtij suksesi, Bosnja e Hercegovina tashmë e ka sytë kah ndeshja e radhës, ku do të përballet me një kundërshtar shumë më të fortë – Spanjën, njërën prej favoriteve për trofe. /AsistiOnline.com/
