EuroBasket, kampionati më i madh i basketbollit në kontinent, ka qenë gjithmonë skenë e performancave të jashtëzakonshme individuale. Përveç rivaliteteve ekipore, historinë e turneut e kanë shënuar edhe rekorde të papërsëritshme në pikë të shënuara brenda një ndeshjeje.
Rekordi absolut: Eddy Terrace (63 pikë)
Sipas FIBA-s, rekordi më i lartë i të gjitha kohërave mbahet nga Eddy Terrace i Belgjikës, i cili në vitin 1957 shënoi plot 63 pikë kundër Shqipërisë – një shifër që deri më sot nuk është thyer. Ky mbetet kulmi historik i EuroBasket për pikë të realizuara nga një lojtar në një ndeshje zyrtare.
Performancat e tjera të mëdha
Në listën e shënuesve më të mëdhenj bëjnë pjesë edhe emra të mëdhenj të basketbollit evropian dhe botëror:
- Luka Donçiq (Slloveni) – 47 pikë kundër Francës në EuroBasket 2022
- Nikos Galis (Greqi) – 46 pikë kundër Suedisë (1983) dhe 45 pikë kundër Bashkimit Sovjetik (1989)
- Dirk Nowitzki (Gjermani) – 43 pikë kundër Spanjës në vitin 2001
- Emiliano Rodroiguez (Spanjë) dhe Giorgos Kolokithas (Greqi) – 43 pikë në vitet ’60 e ’70
- Doron Jamchi (Izrael) dhe Nenad Markoviç (Bosnje & Hercegovinë) – nga 44 pikë secili në vitet ’80 e ’90
Lauri Markkanen, pjesë e listës historike
Së fundmi, në këtë grup të elitës është futur edhe Lauri Markkanen, i cili shënoi 43 pikë në EuroBasket 2025 ndaj Britanisë së Madhe. Ai tashmë është rreshtuar krah figurave si Nowitzki, Galis e Rodríguez, duke e vendosur Finlandën në hartën e performancave më të mëdha individuale në historinë e kampionatit evropian.
Lista historike e FIBA për pikët më të shënuara në një ndeshje EuroBasket
- Eddy Terrace (Belgjikë) – 63 pikë, kundër Shqipërisë, 1957
- Luka Donçiq (Slloveni) – 47 pikë, kundër Francës, 2022
- Nikos Galis (Greqi) – 46 pikë, kundër Suedisë, 1983
- Nikos Galis (Greqi) – 45 pikë, kundër Bashkimit Sovjetik, 1989
5–9. Miki Berkovich, Doron Jamchi, Nenad Marković, Nikos Galis – nga 44 pikë
10–14. Dirk Nowitzki, Emiliano Rodríguez, Giorgos Kolokithas, Lauri Markkanen – nga 43 pikë
Ky rekord i Markkanen-it e forcon edhe më shumë reputacionin e tij si një nga yjet më të mëdhenj të basketbollit evropian të gjeneratës së sotme. /AsistiOnline.com/
