Selektori i Kombëtares së Turqisë Ergin Ataman, ka bërë të ditur një përditësim shqetësues rreth gjendjes së yllit të ekipit, Cedi Osman, vetëm pak para ndeshjes gjysmëfinale me Greqinë.
Osman është duke u rikuperuar nga një dëmtim, por duket se situata nuk është aq e thjeshtë sa pritej.
Disponueshmëria e tij për gjysmëfinalen e së premtes kundër Greqisë mbetet e pasigurt dhe do të konfirmohet vetëm pak para ndeshjes.
“Trajtimi i Cedit është duke vazhduar. Ai nuk mundi të stërvitej me ekipin sot. Gjendja e tij do të bëhet e qartë pak para ndeshjes”, tha trajneri Ergin Ataman për mediat turke pas stërvitjes së sotme.
Ky lajm vjen si një goditje për Turqinë, të cilët kanë shpresuar që Osman të kontribuojë në fazat përfundimtare të turneut. Në mungesë të tij, skuadra duhet të rimendojë strategjinë dhe të gjejë alternativa për ndihmën e madhe në sulm që pritej të vinte nga ai. /AsistiOnline.com/
