Turneu miqësor ndërkombëtar i organizuar nga Peja 03 nisi sot në Kosovë me një fitore të madhe për skuadrën vendase, e cila mposhti kampionet aktuale të Zvicrës, Nyon Basket Féminine, me një paraqitje të shkëlqyer.
Lojtaret Eve Wembanyama dhe Dazia Lawrence u dalluan në këtë fitore duke realizuar nga 14 pikë secila, duke udhëhequr ekipin drejt një triumfi historik në nisje të turneut ku marrin pjesë edhe skuadra të njohura si Beşiktaş nga Turqia dhe Playoff Sarajevo nga Bosnja e Hercegovinës.
Me këtë fitore, Peja 03 siguroi vendin në finale, ku do të përballet me gjigantin turk Beşiktaş. Ndeshja zhvillohet nesër në Prishtinë, në sallën “1 Tetori”, duke nisur nga ora 17:00. /AsistiOnline.com/
