Superliga e Turqisë në basketboll nis sot edhe me një interesim për sportdashësit kosovarë, pasi trajneri nga Prishtina, Andin Rashica, këtë edicion do të jetë pjesë e stafit të ekipit Büyükçekmece si ndihmës-trajner.
Skuadra e tij do të luajë ndeshjen e parë të stinorit të ri në udhëtim ndaj Trabzonsporit të rikthyer në elitën turke sivjet, një sfidë që pritet të jetë e vështirë për fillimin e garave.
Në stafin e Büyükçekmece ndodhet edhe një tjetër emër i njohur për basketbollin kosovar – turku Tuncaj Bostanci, i cili më herët ka qenë trajner i Proton Cable Prizrenit. Ai këtë sezon do të punojë po ashtu si ndihmës-trajner, duke formuar një dyshe bashkëpunimi me Rashicën.
Vlen të ceket se trajneri kosovar edhe në sezonin e kaluar punoi tek skuadra tjetër turke Manisa.
Ky është një hap i rëndësishëm në karrierën e Andin Rashicës, i cili pas përvojave të tij në basketbollin kosovar po e shtrin rrugëtimin e tij profesional edhe në një nga ligat më të forta të rajonit. /AsistiOnline.com/
