Trajneri aktual i KB Trepça Adis Beçiragiq, ka dhënë dorëheqje nga posti i selektorit të Kombëtares së Bosnjë & Hercegovinës në basketboll.
Sipas raportimeve të mediave boshnjake, ishte vetë Beçiragiq ai që e ka dorëzuar dorëheqjen e tij në Federatën e Basketbollit të Bosnjë & Hercegovinës, ndërsa detajet e arsyes së largimit ende nuk janë bërë të ditura.
Beçiragiq, i cili prej sezonit të kaluar drejton skuadrën e Trepçës në Superligën e Kosovës, e kishte udhëhequr kombëtaren boshnjake në dy kampionate evropiane, duke qenë një prej trajnerëve më të suksesshëm të viteve të fundit në stolin e saj. /AsistiOnline.com/
