Sigal Prishtina sonte e mposhti rivalin lokal Borën në kuadër të xhiros së dytë në Superligën e Kosovës.
Ajo çfarë ra në sy tek ekipi bardhekaltër ishte minutazha për lojtarët e rinj të cilët trajneri grek Michalis Kakiouzis i inkuadroi të gjithë në lojë dhe të cilët treguan performanca tejet pozitive, shkruan AsistiOnline.com
Nga kjo ndeshje vlen të ceket performanca e Bardh Istrefit i cili u rikthye pas një kohe të gjatë nga lëndimi dhe pati një paraqitje fantastike në 18 minuta lojë dhe 12 pikë, prej tyre 2 treshe nga 2 tentime.
Të kujtojmë se Bardhi ka një gjatësi shumë të mirë prej 202 centimetrave dhe luan në pozitat 3/4. Lojtarët si Bardhi duhet të vlerësohen më shumë në ekipet tona.
Minutazhë te Prishtina sonte patën edhe Liri Zeneli e Adrian Ibishi.
Prishtina sivjet po tregon formë shumë pozitive me 4 fitore nga 4 ndeshje zyrtare, 2 në ENBL dhe 2 në Superligën e Kosovës.
/AsistiOnline.com/
