KB Rahoveci 029 ka njoftuar afrimin e lojtarit të ri, AJ Patty, i cili i është bashkuar ekipit në prag të ndeshjes së radhës në Superligë.
Patty më herët ka qenë pjesë e Sabah BC në Azerbajxhan dhe UBSC Graz në Austri, ndërsa tani do të veshë fanellën e “vreshtarëve”.
Lojtari luan në pozitat 3/4 dhe është i gjatë 203 centimetra.
Klubi ka bërë të ditur se lojtari do të jetë i gatshëm për paraqitje në duelin kundër Borës, që zhvillohet të mërkurën nga ora 18:45.
Me këtë transferim, Rahoveci 029 synon të shtojë stabilitet në rotacion dhe të përforcojë ekipin për sfidat e ardhshme të sezonit.
