Edhe në kryeqytet sonte pritet një ndeshje tejet e fortë, ku Sigal Prishtina pret Rahovecin në kuadër të xhiros së 10-të të Superligës së Kosovës.
Të dy skuadrat hyjnë në këtë përballje me bilanc të njëjtë – 4 fitore dhe 4 humbje – çka e bën duelin edhe më të rëndësishëm, pasi fitorja e sotme mund t’i ngrejë ndjeshëm në garën për pozitat e larta të tabelës.
Prishtina kërkon të shfrytëzojë terrenin vendas dhe mbështetjen e tifozëve për të ruajtur ritmin, ndërsa Rahoveci udhëton me besim se mund të marrë pikë të çmuara në një nga palestrat më të vështira në ligë.
Ndeshja fillon në ora 18:45, dhe pritet të jetë një nga sfidat më interesante të kësaj xhiroje.
