Ish-basketbollisti i KB Prishtina, Granit Rugova, ka bërë publik synimin e tij për të kandiduar për pozitën e kryetarit të klubit bardhekaltër.
Përmes një postimi, Rugova thekson se vendimi i tij vjen si obligim moral dhe jo për ambicie personale, duke besuar se ka njohuritë, përvojën dhe energjinë e nevojshme për ta menaxhuar klubin.
Ai ka rikujtuar lidhjen e gjatë me KB Prishtina, duke theksuar se klubi ka qenë pjesë e pandashme e jetës së tij që nga paslufta, ku është rritur si basketbollist dhe si njeri, duke përjetuar fitore, sfida dhe momente historike.
Pas përfundimit të karrierës si lojtar, Rugova ka vazhduar angazhimin në sport përmes roleve drejtuese, fillimisht në Federatën e Basketbollit të Kosovës dhe më pas si Drejtor i Sportit në Komunën e Prishtinës. Sipas tij, kjo përvojë i ka dhënë një pasqyrë të qartë mbi udhëheqjen e një klubi të madh, me vizion, stabilitet dhe transparencë.
Në mesazhin e tij, Rugova ka theksuar se Prishtina nuk është vetëm një klub sportiv, por identitet i kryeqytetit dhe krenari qytetare, duke bërë thirrje për bashkim të tifozëve “Plisat”, qytetarëve të Prishtinës dhe të gjithë dashamirëve të klubit, me synimin e rikthimit në rrugën e fitoreve dhe trofeve.
Postimi i plotë dhe pa ndërhyrje i tij:
