Sot zhvillohet derbi lokal i basketbollit ndërmjet Prishtinës dhe Borës, një përballje që pritet me interes të madh nga adhuruesit e basketbollit kosovar.
Ndeshja do të luhet në Pallatin e Rinisë dhe të Sporteve, me fillim nga ora 17:00.
Kjo përballje bëhet edhe më interesante për faktin se të dy skuadrat kanë bilanc të njëjtë në kampionat, me nga 7 fitore dhe 8 humbje, çka e rrit rëndësinë e këtij dueli në vazhdimësinë e sezonit.
Prishtina dhe Bora hyjnë në këtë ndeshje me synimin për të marrë fitoren në një duel që nga fillimi ka prodhuar rivalitet dhe atmosferë të veçantë. /AsistiOnline.com/
