KB Prishtina raportohet se ka emëruar ushtrues detyre të kryetarit, së paku përkohësisht, në një periudhë të ndjeshme për klubin bardhekaltër.
Sipas informacioneve që qarkullojnë së fundmi edhe pse jo zyrtare, në këtë pozitë është vendosur kryetari i tifogrupit “Plisat” Rinor Grajçevci, duke shënuar kështu një zhvillim interesant në strukturat drejtuese të klubit, me përfshirjen direkte të përfaqësuesit të tifozëve në udhëheqje.
Ky hap vjen në kohën kur KB Prishtina po kalon një fazë tranzicioni organizativ, ndërsa pritet që ditët në vijim të ketë edhe sqarime zyrtare lidhur me kohëzgjatjen e këtij mandati dhe hapat e ardhshëm të klubit. /AsistiOnline.com
