Në javën e 19-të të Superligës së Kosovës, Rahoveci 029 arriti një fitore jetike ndaj Vëllaznimit, falë paraqitjes së shkëlqyer të Kentrell Pullian.
Basketbollisti amerikan ishte lojtari më i mirë në fushë, duke shënuar 32 pikë, marrë nëntë kërcime dhe dhënë tetë asistime, me një indeks prej 32, më të lartin në këtë xhiro. Për këtë performancë, Pullian u shpall MVP i javës, i vlerësuar nga Federata e Basketbollit të Kosovës.
Në renditjen e FBK-së për pesëshen më të mirë të kësaj xhiroje u përfshinë edhe Mikaile Tmusiq dhe Shawn Jones nga Trepça, Musab Mala nga GO+ Peja, si dhe Shannon Shorter nga Bashkimi.
