Në një përballje shumë interesante e me kthesa në rezultat, Trepça e ka fituar përballjen ndaj Vëllaznimit 73:69 (18:20, 17:18, 17:18, 21:13), në javën e 23-të nga Superliga e Kosovës.
Përballja në Mitrovicë ka qenë e baraspeshuar, ku fituesi është vendosur në sekondat e fundit, me vendasit që ishin më të vëmendshëm për të fituar 73:69.
Te vendasit u dalluan Shawn Jones me 14 pikë e dhjetë kërcime dhe Kenny Hasbrouck me 16 pikë, kurse te mysafirët më i miri ishte i zakonshmi Jericole Hellems me 20 pikë, katër kërcime e katër asistime.
Trepça është në vendin e parë me 20 fitore e tri humbje, ndërsa Vëllaznimi ka tetë fitore e 15 humbje.
