Endrit Elshani është emëruar kryetrajner i Golden Eagle Yllit për pjesën e mbetur të stinorit.
Klubi therandas ka bërë të ditur se i ka besuar pozitën e trajnerit me besim dhe zemër.
Me shumë besim dhe zemër, klubi ynë i beson drejtimin e ekipit Endrit Elshani deri në përfundim të këtij sezoni. Është momenti të jemi të gjithë bashkë. Për klubin, për fanellën, për njëri-tjetrin. I urojmë Endritit shumë suksese, ne besojmë. Na duhet përkrahja e secilit prej jush në çdo hap!”, shkruan njoftimi i klubit nga Theranda.
Elshani gjatë këtij sezoni e ka drejtuar në disa ndeshje Golden Eagle Yllin dhe ka arritur fitore në të gjitha ato përballje e mbetet të shihet se si do ta drejtojë skuadrën në momente finale si këto. /AsistiOnline.com/
