SPAHIU I KËNAQUR ME STINORIN E TIJ TË PARË NË SPANJË
Prishtinë(AsistiOnline) – Basketbollisti me famë botërore dhe prejardhje nga Kosova, por i lindur dhe i rritur në Turqi, Kenan Spahiu po beson se stinori i kaluar për të, përkundër pandemisë ishte i kënaqshëm.
Spahiu që sivjet ishte lojtar i ekipit nga Superliga e Spanjës, Real Betis, në një intervistë për faqen zyrtare të klubit ku luan, flet për përvojën e tij të parë në ekipin spanjoll, përcjellë AsistiOnline.com
“Viti ishte i ashpër në fillim, por më pas u adaptuam dhe treguam se nuk duhet të heqim dorë kurrë dhe ishim shumë mirë para pushimit të pandemisë. Shpresoj dhe besoj se do ti kthehemi basketbollit shumë shpejtë, sepse unë kalova shumë mirë dhe besoj që e njejta vlen edhe për bashkëlojtarët”.
”Përshtatja e turqishtes me spanjollen ishte “shumë e lehtë”, falë shokëve dhe një pjesë është “e ngjashme” me atë turke. Deri para ardhjes së pandemisë, gjërat besoj se shkuan goxha mirë, por fatkeqësisht COVID-19 mbërtheu botën dhe tash jemi në këtë situatë dhe shpesoj që të dalim sa më shpejtë dhe ti kthehemi basketbollit. Qyteti këtu është shumë i mirë, përfshirë edhe njerëzit dhe po kaloj fenomenal dhe po e shijoj, mendoj se jam adaptuar mirë”.
Në fund, Spahiu përshëndeti fansat e ekipit të Betisit dhe shpreson që kjo pandemi të kalojë sa më shpejtë dhe ti kthehen sportit dhe basketbollit aty ku e lanë. /AsistiOnline.com
Video e intervistës zyrtare dhe komplete:
Komentet janë të mbyllura.