Ponte Prizreni mposht Borean (Video)

Ponte Prizreni e mposhtur AFK Borenë me rezultat 99:70 dhe kështu ka shënuar fitoren e 7 sezonale.

Ergin Grosha (10 Ponte) dhe Blend Matoshi (22 Ponte) realizuan nga një dyshifror të dyfishtë secili.

Grosha (10 Ponte) luajti me 18 pikë e 11 kërcime dhe asistoi 3 herë e bëri 2 bllokada, ndërsa Matoshi (22 Ponte) përpos 11 pikëve, kërceu plotë 16 herë.

Megjithatë, koshashënuesi më i mirë te Ponte ishte Brendon Scott (35 Ponte) me 21 pikë të shënuara.

Pikë dyshifrore për Ponte Prizrenin shënuan edhe Kris Ualler (11 Ponte) i cili shënoi 18 pikë si dhe talenti i ri Mendrit Ademi, i cili ndeshjen e përmbylli me 13 pikë e 4 kërcime.

Nga ana tjetër te AFK Borea, kapiteni Albin Berisha (11 Borea) pati edhe një shfaqje fantastike, pasi ndeshjen e përmbylli me double – double, prej 20 pikëve dhe 13 kërcimeve ndërsa pikë dyshifrore te skuadra pejane shënoi edhe Ilir Shala (7 Borea), i cili ndeshjen e përfundoi me 14 pikë dhe 7 kërcime

Çereku i parë i ndeshjes u mbyll me +8 për prizrenasit 19:11 të cilët më pas gradualisht e ngritën epërsinë e tyre dhe pas 20 minutave lojë, semafori ajo shkoi në plus 17 (45:28).

Në çerekun e tretë, vendasit shtuan avantazhin për edhe 11 pikë të tjera  dhe pas 30 minutave lojë semafori tregonte 76:48, me çka edhe u vulos fati i këtij takimi dhe çereku i fundit faktikisht ishte formalitetdhe  i dha mundësi të dy trajnerëve që t’i inkuadrojnë në lojë edhe lojtarët e rinj.

Ata i shfrytëzuan shumë mirë minutat e dhuruara dhe morën duartrokitje gjatë aksioneve të tyre nga shikuesit e pranishëm në “Sezai Surroi”.

Në fund, semafori tregonte rezultatin prej +29 pikëve për ekipin prizrenas, 99:70.

Duhet theksuar se në këtë ndeshje nuk u inkuadrua fare në lojë lojtari më efikas te Ponte Prizreni, Elliot Cole, pasi Arbnor Rifati vendosi ta kursente.

Ishte kjo fitorja e 7-të e Pontes në kte kampionat dhe disfata e 13-të e Boreas.