PONTE PRIZRENI SHTON ”APETITET”, SYNON TITULLIN DHE GARAT NDËRKOMBËTARE
Prishtinë(AsistiOnline) – Njëra ndër skuadrat më të organizuara viteve të fundit në basketbollin e Kosovës, Ponte Prizreni si duket ka rritur ‘apetitet’ e saj që përpos stabilitetit të kërkojë ehde suksese.
Ekipi simpatik i elitës kosovare të basketbollit, përpos hyrjes në play-off të ligës, me shumë gjasa sivjet mund të kërkojë edhe titullin e kampionit dhe luftë edhe në fronte të tjera.
Drejtuesit e klubit prizrenas i kanë thënë AsistiOnline.com, se Ponte Prizreni ka synim hyrjen në play off, por përderisa janë në play-off, pse mos të jenë pretendentë edhe për titull dhe ta ndjekin trofeun deri në fund.
Por nuk mbaron me kaq!…
Ponte Prizrenin në stinorin e ri mund ta shohim edhe në Ligën Ballkanike, për të cilën prizrenasit kanë shfaqur interesim prej kohësh dhe sivjet mund ta finalizojnë projektin.
Për pjesëmarrjen eventuale të Ponte Prizrenit në Ligën Ballkanike, drejtuesit e skuadrës pritet të vendosin shumë shpejtë dhe me shumë gjasa ekipin që udhëhiqet nga trajneri karizmatik Arbnor Rifati, mund ta shohim edhe në gara ndërkombëtare.
Klubi i Ponte Prizrenit, stinorin e sivjetmë të anuluar në Superligën e Kosovës e mbylli në pozitën e 6 të renditjes tabelare me 37 pikë, 13 fitore dhe 11 humbje. /AsistiOnline.com
Komentet janë të mbyllura.