SHIRKO PO SHKËLQEN NË ELITËN KROATE TË BASKETBOLLIT
Prishtinë(AsistiOnline) – Ish-basketbollisti i KB Peja në stinorin e kaluar, Henrik Shirko, sivjet po shkëlqen në elitën kroate të basketbollit me skuadër të re.
Aloja 27 vjeçare në merkaton verore të basketbollit, u transferua tek skuadra e njohur kroate, Shibenik me të cilët po shkëlqen në stinorin e ri të Superligës së Kroacisë.
Në këtë fillim sezon, në katër xhiro të zhvilluara në elitën kroate, Henrik Shirko është në TOP – 2 basketbollistët më të dalluar të Shibenikut me mesatare impresionuese prej 15.8 pikëve, 7.0 kërcimeve, 3.8 asisteve dhe 1.5 vjedhje topash.
Ditë më parë, është përfolur për një rikthim të mundshëm të basketbollistit kroat në radhët e klubit të Pejës, por në një prononcim për AsistiOnline.com, Shirko ka potencuar se ka pasur biseda me kampin e Pejës, por që diçka konkrete nuk ka pasur dhe të ardhmes nuk i dihet, duke e lënë të hapur një rikthim të mundshëm tek pejanët.
Shirko me Pejën në stinorin e kaluar të Superligës së Kosovës, pati mesatare prej, 18.0 pikëve, 8.7 kërcimeve dhe 3.8 asisteve për ndeshje.
/AsistiOnline.com/
Komentet janë të mbyllura.