SONTE GJYSMËFINALJA E DYTË, PONTE PRIZRENI-BASHKIMI

Sfidat çerekfinale në Reload Superkupë dhuruan shumë emocione, derisa tani është koha për ndeshjet gjysmëfinale, që zhvillohen sonte në Suharekë.

Në ndeshjen e dytë gjysmëfinale do të ndeshen Ponte Prizreni-Bashkimi, dy skuadrat rivale të qytetit, ku pritet një sfidë shumë interesante.

Ponte ka eleminuar Golden Eagle Yllin, derisa Bashkimi skuadrën e Pejës, andaj përballja gjysmëfinale pritet të jetë shumë interesante.

Kjo ndeshje luhet sot nga ora 19:30 dhe transmetohet direkt në Art Sport 1.

Të kujtojmë se sivjet, ndeshjet në basketbollin e Kosovës po zhvillohen pa shikues dhe në bazë të Udhëzuesit për Rikthimin në fushat e basketbollit.