KRYENDESHJA E XHIROS, SONTE NË ”KARAGAÇI”

Prishtinë(AsistiOnline) – Përballja kryesore e xhiros së dytë në Superligën e Kosovës, pritet të zhvillohet sonte në ”Karagaçi” të Pejës, ku takohen dy skuadra tejet të forta.

Bëhet fjalë për ndeshjen që luhet sonte në mes Pejës dhe Rahovecit, dy skuadra që e nisën stinorin me fitore.

Verdhezinjtë shpresojnë në fitoren e dytë radhazi, pasi mundën Sigal Prishtinën, kurse Vreshtarët shënuan fitore ndaj Vëllaznimit. Përballjet në edicionin e kaluar mes këtyre dy skuadrave ishin mjaft interesante dhe kështu pritet edhe të shtunën mbrëma.

Takimi do të zhvillohet pa shikues dhe me praninë e vetëm 50 personave në palestër, duke përfshirë dy skuadrat, zyrtarët e ndeshjes dhe përfaqësuesit e FBK-së, si pasojë e masave anti-covid-19.

Ndeshja do të transmetohet në platformën ArtMotion, kurse rezultatin LIVE pas çdo çereku, por edhe raportin final të ndeshjes, mund ta gjeni në portalin ekskluziv-basketbollistik, AsistiOnline.com

Superliga – Java 2

E shtunë

19:00 Peja – Rahoveci.

/AsistiOnline.com/