XHIROJA MBYLLET ME ”KLASIKEN” E VJETËR KOSOVARE
Prishtinë(AsistiOnline) – Xhiro e 9-të e elitës së basketbollit kosovar, mbyllet sonte me një sfidë që pritet të jetë shumë interesante.
Trepça-Sigal Prishtina janë rivalët e vjetër të basketbollit të Kosovës, që do të ndeshen në një duel interesant, sepse të dy skuadrat kanë nga dy fitore dhe gjashtë humbje, duke u renditur në fundin e renditjes.
Takimi do të zhvillohet pa shikues dhe me praninë e vetëm 50 personave në palestër, duke përfshirë dy skuadrat, zyrtarët e ndeshjes dhe përfaqësuesit e FBK-së, si pasojë e masave anti-covid-19.
Ndeshja do të nisë nga ora 17:00 dhe transmetohet në platformën ArtMotion si dhe Klan Kosova, kurse rezultatin LIVE pas çdo çereku, por edhe raportin final të ndeshjes, mund ti gjeni në portalin ekskluziv-basketbollistik, AsistiOnline.com.
Prince Caffe Superliga – Java 9
E diel
17:00 Trepça – Sigal Prishtina.
/AsistiOnline.com/
Komentet janë të mbyllura.